இலைமறை கனி...

அம்மன் படத்துடன்
பிச்சைக்கேட்டு வரும் ஒருத்திக்கு
குடிசைக்குள்ளிருந்தவள்
‘இல்லை’யென்ற பதிலையே
வைத்திருந்திருந்தாள்...

பிறகு
மாதா படத்துடன் வந்தாள்...
அதே பதில்தான்....

யாசித்து வந்தவளும்
தடவைக்குத்தடவை வெவ்வேறான
காரணங்களை அவிழ்த்துவிட்டாள்...

ஒருமுறை அப்பா, அம்மா
அடுத்து ஊனமுற்ற தம்பி
அடுத்தடுத்து வேறொன்று....

இந்தமுறை ‘என் கல்யாணத்திற்கு’ என்றவளுக்கு...
அதேபதிலை சொல்லமுடியவில்லை...

உள்ளே சென்று
சில்லரையுடன் வந்தாள்...
தன் கருகமணியை மறைத்துக்கொண்டு...


.