ஒரு குழந்தையின் குமுறல்...

எங்கப்பா சுதந்திரத்திற்கு போராடினார்...
தற்பெருமையுடன் மகன்...
அவன் வீட்டில்...கூண்டுக்குள் குருவிகள்...

பிறந்தநாள், நினைவுநாளில்
அலங்கரிக்கப்படும் தலைவர்களின் சிலைகள்...
மற்ற நாட்களில் காக்கையின் கண்காணிப்பில்...

தீவிரவாதிகளை தேடும் பணியில்
பாதுகாப்பு படையினர்...வீடுவீடாக வேட்டை...
ஏழைப்பெண்களின் ஆடைகளை அவிழ்த்துவிட்டு...

மந்திய அமைச்சர்...விமானத்தில்...
இரண்டாம் வகுப்பில் பயணம்...
கட்சித் தொண்டன் கோவணத்துடன் பெருமை...

வரியேய்ப்பை தோலுரிக்கும் திரைப்படம்...
நடிகருக்கு தேசிய விருது...வருமான வரித்துறையின்
திடீர் ஆய்வில் சிக்கியது சில கோடிகள்...

குடும்பக் கட்டுபாட்டின் அவசியம்
கூப்பாடு போட்டும் பயனில்லை...
பெண்ணாய்ப் பிறந்தால் தெரிகிறது...

நாடாளுமன்றத்திலும் தமிழில்
பதிலளிக்கவேண்டும்...அமைச்சர் ஆரவாரம்...
அவர் பேரன் ஆங்கிலத்தில் மட்டும் தேர்ச்சி...


தமிழ்மணத்திலும், தமிலிஸ்ஸிலும் உங்களது வாக்கினை செலுத்தவும்....நன்றி...